三月最愛💕護膚品系列 (Skin1004積雪草保濕精華、肌研極潤保濕櫻花水凝霜、 Innisfree藍莓平衡面霜、Goodal 青檸維他命C美白修復精華）

今個月開始 我希望可以勤力啲Update下個Blog

其後每個月都會分享每月最愛～

雖然唔知會唔會有人睇😂

主要想訓練下自己有恆心咁做一件事 

同埋都想迫自己勤力啲護膚～

有興趣就繼續落去啦～

今個月最愛有四款產品

最主要都係護膚品

因為我做野通常都係屋企

而且出街成日戴口罩

皮膚真係差左好多

而且天氣到熱左啦～ 

加上我本身都好怕癡粒粒

所以我鍾意用既產品通常都係比較清爽🤤💕

唔會癡粒粒～

Skin1004積雪草保濕精華 

因為戴口罩所以皮膚變得唔穩定

開始有敏感泛紅既情況

我聽講積雪草係有助皮膚穩定

改善泛紅既功能

呢一款Skin1004積雪草保濕精華 

最主要功效係鎮靜皮膚

改善泛紅敏感既情況

成份包100%天然積雪草提取物

pH值屬於6 屬於弱酸性

平衡pH值係有助皮膚健康最重要嘅因素

產品數據指敏感肌都適用💕 

用後感: 

我覺得佢非常清爽、容易推開 

亦都好快吸收

唔會有黐立立既感覺

用完之後皮膚的確穩定左

感覺非常溫和

本身塊面痕痕地😖

搽完之後就會有種舒緩既感覺🤤

肌研極潤保濕櫻花水凝霜 

肌研呢款保濕面霜含有乳木果油、四重透明質酸

配合櫻花精華花萃精油

最主要既作用係保濕

同埋提亮均勻膚色既作用

都係屬於弱酸性

可以令肌膚比較穩定同健康～

就算夏天對於我呢種中性偏乾來講

其實都好需要保濕

但係又唔想太黏笠

就可以使用佢

用後感: 

我覺得佢的確係保濕霜講來幾清爽

保濕得來都好清爽 

所以都幾適合夏天用

都適合妝前保濕程序使用

會令到個妝幾貼服～

至於提亮均勻膚色方面呢～

目前就無好大既感覺

 Innisfree藍莓平衡面霜

Innisfree藍莓系列主打平衡肌膚PH值

適合敏感肌～

同樣都係屬於弱酸性～

而且質地都係非常清爽既🤤💕

適合潮濕既香港使用

用後感: 

質地清爽、快吸收

無負擔感～

係我皮膚唔穩定敏感既狀態都可以使用

亦都可以上妝前使用～

都好鍾意佢同系列既防曬

遲啲再同大家分享～

Goodal 青檸維他命C修復精華

因為我本身係黃皮~🌝

所以對美白產品都非常有興趣

今次就試左

韓國品牌Goodal

呢一款青檸維他命修復美白精華

係取自70%濟州島青檸養分

主打保濕水潤＋提亮

可以幫助均勻膚色、去印、美白等等～

用後感: 

佢係我近期最鍾意既美白精華

亦都係最有感既美白精華

睇落真係亮白左

其實我都唔追求好白

只係想睇落去比較透亮

而且佢係感覺上都好溫和

比人有種安心既感覺

因為我最近皮膚真係非常唔穩定

用左佢都無唔舒服、刺激既感覺～🤤💕

真心推介大家可以試一試

肌膚性質 ：中性偏乾 （特別額頭鼻翼會比較乾）

不過以上都只係純粹個人分享 只作參考

岩唔岩自己就自行判斷啦～～🌝😚

免責聲明

合作試用的產品以及其資料是由品牌/公司提供

但文章所發表的全部內容均屬個人用後感分享及個人言論

並不代表該品牌／公司之言論及立場

如有需要查詢更多有關產品資訊

請直接聯絡該品牌／公司查詢或尋求相關專業意見及協助